|
Nunatsinni
sungiusaasutut pikkorissarnerit
2009-mi arsaannermi sungiusaasutut B1a aamma B1b-mut
pikkorissaanissanik pilersaarutit:
Kursus: Sumiiffik: Piffisssaq: DBU ilitsersuisoq:
B1a Narsaq aall. 01. maj (nal. 14.00) – naamm. 03.
maj (nal. 18.00) Allan Michaelsen
B1a Uummannaq aall. 24. maj (nal. 09.00) – naamm.
26. maj (nal. 18.00) Peter Rudbæk
B1b Aasiaat aall. 28. maj (nal. 14.00) – naamm. 31.
maj (nal. 18.00) Peter Rudbæk
Nalunaarfissaq:
Soqutiginnittut annerusumik
paasissutissinneqarsinnaapput aamma ilaaniarluni
neriorsuinerusoq nalunaarneq pissapput email-ikkut (
gbu@gbu.gl )
imaluunniit GBU-p telefonianut: (+299
32 60 32) -
nalunaarnissaq kingusinnerpaamik 15. maj (Narsamiittussaq)
aamma 15. april (Ummannami Aasiannilu
peqataaniartunut)
Kursusinut qulaani pineqartunut sungiusaasussatut
peqataaniartut akiliutigissavaat kr. 2.000,00
taannalu aatsaat GBU-p kontuanut (6471-1541878)
akilerneqareerpat peqataaniarneq akuerisaassaaq.
Kursuseqataaniarluni akiliutip matussusissavai
nerisaqarneq kursuserfimmilu najugaqarneq aammalu
angerlarsimaffimmiit uterlugulu angalaneq –
angalanerlu aningaasartuutitaalu GBU-mut
nalunaarnermi isumaqatigiissutigineqassapput.
Pikkorissartitsinernut taakkununnga tamanut
peqataasinnaasussat 16 missaaniissapput –
taamaattorli GBU-p aningaasaqarniarnera
pissutigalugu kursuseriarlutik angalasussat
amerlassusii killilersimaarneqarsinnaapput.
Malugalugu:
Pikkorissartut B1a-mik aamma B1b-mik
naammassinnittut (tulleriinneri apeqqutaatinnagit)
kingusinnerusukkut B2-mik taasamut sungiusaasutut
pikkorissariarsinnaatitaassapput Qallunaat Nunaanni
in-gerlanneqartumut
2006-mi GBU-p DBU-llu suleqaqtigiinnissamik
isumaqatigiissutaata periarfissippaatigut Kalaallit
Nunaanni arsaannermik soqutigisallit B1a + B1b aamma
B2-nut pikkorissarnissanut , taakkualu nunat tamat
(UEFA) akuerisaattut arsaattartut sungiusaasuinik
ilinniartitsissutitut akuerisaapput.
Siunertaraa pikkorissartut piareersaasiornermik,
aaqqissuinermik aammalu meeqqat, inuusuttut
inersimasullu arsaattartut qanoq
sungiusarneqarsinnaanerannik
ilisimasaqarnerulernissaat, pingaartillugit
timimikkut nakuussusii, teknikkikkut aammalu
iligiiaarluni periusissanik sungiusarnerit.
Ilitsersuisoq DBU-meersoq Allan Michaelsen
siusinnerusukkut nunanut allanut unammisartuusimavoq
aammalu ilaatigut Frankrig-imi akissarsiutiigalugu
arsaattartuusimalluni , tamatumalu kingorna
Qallunaat nunaanni divisionini sungiusaasuusimalluni
aamma maannakkut B 1903-mi atorfeqarluni (peqatigiiffik
FCK-mik aallarniisuusunut peqataasimasoq)
Peter Rudbæk ullumikkut DBU-mi sungiusaasussanik
pikkorissaatitsisarnermi siunnersortitut
atorfeqarpoq, siusinnerusukkut
ilisarisimaneqaatigalugu superligami ukiorpassuarni
sungiusaasuusimanini, ilaatigut AGF-mi aamma AAB-mi
– taamatuttaaq DBU-mi ilitsersuisartutut
ukiorpassuarni misilittagaqarluartuuvoq.
Inussiarnersumik inuulluaqqusilluta
Kalaallit Nunaanni Arsaattartut Kattuffiat
Malugiuk:
Arlaannik apeqqutissaqavikkaanni
attavigineqarsinnaapput.
Lars Lundblad
Jens Tang Olesen
|
