|
Isikkamik arsaannermik unammersuarnermi
malittarisassat
2009-mi illup iluani pissartangorniunnermi
Maleruagassat PDF
aakkit
>>>>
§ 1 Unammeqataasinaaneq
Kalaallit Nunaanni Arsaattartut Kattuffiata iluani peqatigiiffiit
ilaasortaasut kikkulluunniit unamminerni peqataasinnaapput.
Unamminissaq 1 time-mik sioqqullugu unammeqataasussat
allattorsimaffiat unammisitsisunut unamminissaq siulleq sioqqullugu
tunniunneqassaaq.
§ 1 Stk. 2
Peqatigiiffiit GBU-mut akiligassaqanngitsut peqataasinnaapput.
Peqatigiiffiit akilersuinissamut atuuttumik isumaqatigiissummik
GBU-mut isumaqatigiissuteqarsimasut GBU-p siulersuisuinit
akuerineqartut aamma peqataasinnaatitaapput.
§ 1 Stk. 3
Unammisartoq, unammeqattaarnermi peqataareersoq,
unammisaqattaarnerup ingerlanerani peqatigiiffimmi allami
peqataalluni unammeqqissinnaanngilaq.
§ 1 Stk. 4
Unamminissaq aalajangiunneqarsimasoq, pingitsoortorli, unamminertut
naatsorsuunneqarsinnaangilaq, pillaammik peqataasinnaannginneq
pissutigalugu.
Nalornisoqarnermi aaqqissuinermi ataatsimiititaliaq
aalajangiisuussaaq.
Maleruagassat PDF
aakkit
>>>>
§ 2 Nalunaarneq peqataanermilu akiliut
Nalunaarneq GBU-mut ingerlatinneqassaaq tamannalu piffissarititaasoq
naatinnagu pissaaq taamat ippoq akiliinissamut killigititaq,
angissusissaa GBU-p siulersuisuinit aalajangigaq,
eqquutinneqassalluni.
§ 2 Stk. 2
Pissartanngorniunnissamut peqataanissamut eqqortinniagassaavoq
piffissaagallartillugu ilaaniarluni nalunaarneq/akiliineq.
Maleruagassat PDF
aakkit
>>>>
§ 3 Unamminerit allattorsimaffiat
Unammisaqattaarnissamut GBU suleqatigalugu peqatigiiffik
aaqqissuisuusoq unammisaqattaarnerit allattorsimaffiannik
nassiussissaaq, tassanilu ullut suut piffissaq suna unamminerit
ingerlanissat allatorsimassapput.
§ 3 Stk. 2
Unamminernut piffissarititaasut ingerlanissaannut peqatigiiffiit/holdit
piffissarititaasut eqqortissavaat.
Maleruagassat PDF
aakkit
>>>>
§ 4 Unamminerit ingerlannerat
Illup iluani GM puljenut agguataarlugu ingerlanneqassaaq
kingusinnerusukkut Cup-itut ingerlanermut nuussaalluni, tassanilu
aaqqissuisut unamminerit qanoq ingerlanissaannik aalajangiisimanerat
atuutissaaq.
§ 4 Stk. 2
Pointilersorneq atorneqassaaq holdit tamarmik imminnut pulje-minni
unammineranni, ajugaasut 3-nik pointinnattarlutik, naligiiginnarunik
1 point ajorsatunullu 0 point.
§ 4 Stk. 3
Unammeqatigiit unammisaqattaartoqatigiinni pointeqarnerpaat puljemi
tassani ajugaasuussapput.
§ 4 Stk. 4
Unammeqatigiiaat marluk imaluunnit arlallit pointimikkut
assigiippata tulleriinnerit uku malillugit aalajangerneqassapput:
-
Imminnut unammineri (pointeqarneq malillugu)
-
Imminnut unammineranni isertitsisimanerit (assigiinngissutaat)
-
Taakkua assigiippata unamminerni tamani målernerit
nikinganerat
-
Puljemi tamani unamminerni isertitsinerusimaneq
-
1 x 6 minuttinik sivisutigisumik unammeqqittoqassaaq tassunga
attuumassutilinni tamanut.
-
Assigiiginnartoqaannarpalli unammineq isertitseriaqattaarnermi
(straffespark) aalajangerneqassaaq. Holdinit taamanit
isertitseriartut pingasut, amerlanernillu isertitsisut
ajugaasuussapput, assigiiginnartooqattaarpatali holdit
isertitseriaqattaartuassapput unamminerup
aalajangiivigineqarnissaata tungaanut.
§ 4 Stk. 5
Peqatigiiffiit iluminni isumaqaatigiissinnaanngillat imminnut
unamminngiinnassallutik taamaalillutillu pointit aviinnarlugit.
Taamaaliortoqarpat taakkua naatsorsuunneqassapput tamarmik 0
pointertutut peqatigiiffiillu taakkua tamarmik unamminngitsoortutut
naatsorsuunneqassallutik.
§ 4 Stk. 6
Holdi unammisinnaanani nalunaaqqaarani unamminngitsoortoq 0-3-mik
ajorsartinneqassaaq, taamatuttaaq unammisaqattaarnernit
ilaatinneqaqqissanani.
Maleruagassat PDF
aakkit
>>>>
§ 5 Arsaq unammiffillu
GBU arsamik unammissutaasussamik piareersimasuuteqassaaq. Arsaq
amermik qalligaassaaq annoraassiassamillu qallersimassanani.
§ 5 Stk. 2
Peqatigiiffik aaqqisuisuusoq akisussaassaaq unammiffik GBU-p
akuerisaatut issammat. Arsaaaffik målerfiit avataatigut aamma
ataannavissunik sinaakkuteqassaaq.
§ 5 Stk. 3
Nalunaaqutsersuutit: Assammik arsarluni unammiffiusartup
nalunaaqutsersuutaanit makkua atorneqassapput:
-
Qeqqani titarneq
-
Målfelti ataannartumik titarnilik (6 meter titarnerusoq)
atorneqassaaq, straffeliorneq taassuma iluani taamaaallaat
pisinnaavoq.
-
9 meteritut titartornerit kittorartaartut (assammik arsarluni
titartorneq tre meter)
-
Målerfiit
Maleruagassat PDF
aakkit
>>>>
§ 6 Unammisut atisaat atortuilu
Holdit ataasiakkaat unammisartui assigiinnik atisaqassapput,
taamaattorli målmandip atisai allamik qalipaateqassallutik. Tamanna
eqquutinneqanngippat dommerip unammeqatigiit aaqanngitsunik (vest)
qalipaateqatigiinik atisitissavai, taakkuussappullu kingulliullutik
taatittut aasanut (vest) atitinneqartussat.
Holdi aaqanngitsunik atiserusunngissappat unammineq
ingerlanneqarsinnaanngilaq holdilu taanna unamminermi 0-3-mik
ajorsartutut naatsorsuunneqassaaq.
§ 6 Stk. 2
Holdit marluk imminnut unammisussat atisaat
assigiippallarsorinarpata holdit unammisut sorliunersut
takujuminnaasinnaallutik, taava dommerip kingulliullutik taatittut
(udehold) aaqanngitsut tunniutissavai, imaluunniit kingulliullutik
taaneqartut atisatik taarsertariaqarpaat.
Peqatigiiffiit ajornanngippat atisassat marluiit assigiinngitsut
nassartariaqarpaat.
§ 6 Stk. 3
Ateraasat kumminik atungallit (natermik sunniussisinnaanngitsut)
atorneqassapput.
§ 6 Stk. 4
Kanaarnaveeqqutit inassutiginarput, pinngitsaaliissutaanngillalli.
Maleruagassat PDF
aakkit
>>>>
§ 7 Unamminerup ingerlanera
Unamminerup sivisussusaa tassavoq 2 x 6 minutsit, 1 minut missaani
nikinneq sivisussuseqassaaq.
Dommerip aalajangissavaa arsaaffiup qeqqani makitsinermi holdi
sorleq aallartitsisuussanersoq.
Unamminerup aallartsinnerani aammalu isertitsisoqareeraangat
aallartitsinermi sumulluunniit arsaq saqinneqarsinnaavoq.
§ 7 Stk. 2
Aallartitsilluni isimmitsinermi toqqaannartumik
isertitsisoqarsinnaanngilaq, arsarli sinaakkut eqqoreerlugu iserpat
isertitsineq (mål) akuerineqassaaq. Frispark-it tamarmik
sakkortunerupput (direkte) tassa imaappoq sakkukinnernik (indirekte)
frisparkeqanngilaq.
§ 7 Stk. 3
Arsaq uninngasoq isimminneqassatillugu akeraasut tamarmik
minnerpaamik meterinik pingasunik ungasissuseqassapput.
Sinaakkutaq atorlugu imminut tunisisoqarsinnaangilaq (aallartitsinermi)
aamma off-side atortinneqangilaq.
§ 7 Stk. 4
Namminneq målfeltiminni akuerisassaanngitsumik pissusilersortoqarpat
pillaammik isertitseriartoqassaaq (straffespark), taamaaliorneq
akeqqamut iliuusaappat, imaluunniit piaaraluni arsaq assammik
tallimilluunniit attorneqarsimappat.
Unioqqutitsinerit allat namminneq målfeltimi iluani pisut
frisparkimik pillaatissiissutaassapput, kittorartaartumik titarnerup
nalaaniit unioqqutitsinerup arsaq assunga mållinie-miit arsaq
teqeqqorissumik inissillugu, tassa unioqqutitsivimmiit.
§ 7 Stk. 5
Unammineq pisariaqartitsineq naapertorlugu sivisunerusumik
uninngatinneqarsimappat dommerip piffissamik nakkutilliisut
piumaffigisinnaavai nalunaaqutaq unitsikkallarneqassasoq,
arsaannerli allaarteqqippat nalunaaqutaq allartisinneqaqqitsillugu.
Soorlu piaaraluni arsaq arsaffiup avataanut, illup qalianut,
arsaaffiulluunniit avataanut arsaanneq kinguarsarniarlugu
isimminneqarpat dommerip nalunaaqutaq unitsissavaa.
§ 7 Stk. 6
Unamminissaq aallartisinneqarsinnaanngilaq unammisussat holdit
arlaat unammisartunik sisamanik ikinneruppata. Taamaattoqarpat,
holdi unammissussanik amigaatilik 0-3-mik ajorsartinneqassaaq.
§ 7 Stk. 7
Dommerip sapingisani naapertorlugu inatsisit atuutitissavai
nalunngeqatiginnissutsinilu tunngavigalugu inatsisinik
unioqqutitsinerit akuleruffigissallugit. Inatsisinik
unioqqutitsinerit assuarnartut mianersoqqussumik imaluunniit
anisitsinermik pillaatissiissutigisinnaavai. Marloriarluni
mianersoqqussumik pissarsinerit ingerlaannartumik anisitaanermik
kinguneqartinneqassapput.
§ 7 Stk. 8
Unamminerup sinneranut anisitaaneq minnerpaamik tullianik
unamminissamut peqataasinnaannginnermik ataatsimik kinguneqassaaq.
Unamminissamut peqataasinnaajunnaarnerup sivisussusissaa
turneringsudvalgimit aalajangerneqassaaq.
§ 7 Stk. 9
Paarlaaneq (ingerlaavartoq) turneringsudvalgip paarlaasarfittut
sumiinnissaanik aalajangigaaniit pisassaaq, taannalu soorlu
nipittartumik nalunaaqutsersimassaaq, qaqugukkulluunniit
pisinnaalluni. Målmand-imilli paarlaaneq, ajoqusernermik taamaallaat
kingunilimmik pisassaq, dommerip arsaannermik unitsitsinerani
pissaaq aatsaallu allartiseqqinneqassalluni målmandi taarsiisoq
piareerpat.
§ 7 Stk. 10
Holdip ataatsip målmandip saniatigut amerlanerpaamik unammisut
avalassimasut sisamat unammisorisinnaavai (tassa imaappoq
arsaaffimiissapput inuit tallimat), aammalu paarlaasussat 1–4-nut
amerlassusillit.
§ 7 Stk. 11
Unammineq pisariaqartitsineq tunngavigalugu
sivitsorneqartariaqassappat taanna 1 x 6 minutsinik
sivisussuseqassaaq. Sivitsuineq taanna aamma naligiiginnarfiuppat
isertitseriaqattaartoqassaaq (straffesparkskonkurrence), takuuk § 4,
stk.5 aamma stk. 6.
§ 7 Stk. 12
Pillaammik isertitseriarneq (straffespark) – målmandi kisimi aamma
unammisartoq isertitseriartussaq pinnatik, allat tamarmik
isertitseriarfissamiit minnerpaamik 3 meteritut ungasitsigissapput
(7 meteritut titarneq) kittorartaarlunilu titarnerup 9 meterip
avataaniissallutik.
Målmandi arsaq suli iserteriarneqanngitsoq siumut aallariarpat,
arsarlu iserteriagaq isinngippat, isertitseriartoqaaqqinneqassaaq,
unammisartorli mianersoqqussummik pissarsissanngilaq, unammisartorlu
anisitaassanani. Isertitseriaqqinnermili målmandi taamaasioqqippat
anisinneqassaaq.
§ 7 Stk. 13
Ilummut nalussineq (indkast) – Nalussisup sinaakkutit (bande)
”ilitut” atorsinnaanngilaa.
§ 7 Stk. 14
Målspark - målspark-imi isimmitsisussap ilii akeraaluunniit
ataannartumik titarnerup
(6 meter) avataaniissapput.
§ 7 Stk. 15
Teqeqqumiit nalussineq (hjørnekast) – Teqeqqumiit nalussineq ilummut
nalussinertut
isikkoqassaaq. Kukkusumik nalussisoqarpat nalussineq akeqqanit
ilummut
nalussininngussaaq.
Nalusseriartup niaqquni qaangernagu arsaq soorlu nakkaasoorpagu
nalusseriaqqissaaq.
§ 7 Stk. 16
Målmand – Sivisunerpaamik målmandip arsaq tigummiarsinnaavaa
sekundini 5-ni.
Taanna sinnerpagu 9 meteriniit frisparkertoqassaaq. Målmandip arsaq
tigummiani miloriunniaruniuk natikkut assakaallartissava imaluunniit
nateq qaatsiarlugu miloriullugu.
Miloriarnermi qeqqa qaangertinnagu arsaq toreersimassaaq, arsap (nateq
attoqqaarnagu) arsaaffiup qeqqa qaangerpagu akeqqanut
frispark-ertoqassaaq, isimmitsinerlu taanna akeqqat målerfiannut
qaninnerpaamiit 9 meterimiit isimminneqassaaq
Maleruagassat PDF
aakkit
>>>>
§ 8 Unammisut allattorsimaffiat
Holdit tamarmik unammisaqattaarnerit aallartinnginneranni, tamanna
pillugu sanaajusumut, holdit kikkuuneri nalunaarlugit allattuiffik,
unammisitsisunut nalunaarutigissavaat.
§ 8 Stk. 2
Holdit peqataasut tamarmik unammisartut 9 amerlanerpaamik
unammisorisinnaavaat.
§ 8 Stk. 3
Holdit allattuiffii piffissarititaasoq eqqorlugu unammisitsisunut
unamminissaq siulleq sioqqullugu tunniunneqarsimanngippata
tunniussisimanngitsoq unamminermi tassani ajorsartutut
pillaatisissaaq.
§ 8 Stk. 4
Eqqunngitsunik aternik tunniussisoqarsimappat
peqataasinnaajunnaarnermik unamminerniluunniit ajorsarnernik
kinguneqartinneqassaaq.
§ 8 Stk. 5
Unammisussanut allattuiffimmi peqataasut atii siulequt naggallu,
aammalu qanga inunngorneri allassimassapput.
§ 8 Stk. 6
Unioqqutitsilluni unammeqataasoqarsimappat holdi pointinik
arsaarneqassaaq, taakkualu akeraasunut tunniunneqassallutik
Maleruagassat PDF
aakkit
>>>>
§ 9 Maalaarutit
Unammisuni siulersortip (anfører) unamminerup nalaani isumaqaruni
dommeri inatsisit kukkullugit periusilersortoq, pisussaavoq,
maalaarutini suliarineqarsinnaassappat, kukkunerata kinguninngua
malittiinnarlugu dommerimut maalaarutini oqaatigissavaa, tamannalu
pissaaq arsaaffiup iluani.
§ 9 Stk. 2
Maalaarut nalunaarutigineqartoq peqatigiiffimmit maalaaruteqartumit
unamminerup kinguninngua unamminermik aaqqissuisunut
ingerlateqqinneqassaaq, taakkualu tiguneranut uppernarsaassapput.
§ 9 Stk. 3
Maalaarut sunaluunniit unammisitsisunut ingerlateqqinneqartoq
qularnaveeqqummik 50,-kr.-mik suliarineqassaguni ilaqartinneqassaaq,
taannalu maalaarut akuerineqanngippat annaaneqassaaq.
§ 9 Stk. 4
Aalajangiineq GBU-mut (siulersuisunut) suliassanngorteqqinneqarpat
100,- kr-mik qularnaveeqquseqqinneqassaaq, taannalu maalaarut
akuerineqanngippat annaaneqassaaq.
Maleruagassat PDF
aakkit
>>>>
§ 10 Dommerit
Inuit GBU-mit toqqagaasut dommeritut atuutissapput.
§ 10 Stk. 2
Arsaannermi inatsit tunngavigalugu dommerip unammineq aqussavaa
tamatumalu saniatigut unamminermi malittarisassaq (una)
naapertorlugu ingerlatissallugu. Dommeri arsaaffimmi qullersaalluni
pisinnaatitaaffeqarpoq.
§ 10 Stk. 3
Naalasseriinnerit, arsaaffiulluunniit iluani
atisaajartarfinnilluuniit dommerimut ajuallatsisisinnaanernik
oqalunnerit imaluunniimmi unammisartunit allanit, aamma
peqatigiiffiup aqutsisuinit pisut, nalunaarutigineqassapput,
tamakkualu sivikinnerusumik sivisunerusumilluunniit taakkununnga
tunngatillugu unammisaqattaarnernit
peqataasinnaajunnarsinneqarsinnaapput.
§ 10 Stk. 4
Unammineq aallartitsinnagu dommerip arsaaffik unammisussallu atisaat
(§ 6 tunngavigalugu) ajunnginnersut misissussavai.
§ 10 Stk. 5
Arsaaffik unammiffiusussatut naleqqussorinngikkuniuk, dommerip
aalajangissavaa, unamminissaq kinguartikkallartariaqarnersoq.
§ 10 Stk. 6
Kukkusumik atisalersortoqarsimatillugu, kusanaatsumik
pissusilersortoqartillugu, unammisussat agginngitsoorsimappata,
mianersoqqusissutinik tunniussisoqarsimatillugu,
anisitaasoqarsimatillugu, arsaaffissap ajoquteqarluni
atorsinnaanginnera pillugu unamminissamik kinguartitsisoqartillugu,
unamminermik unitsitsisoqartillugu, pissutsillu allat pillugit
unamminermut malittarisassani uani allassimasut pillugit qanoq
iliuuseqarnerit pillugit nalunaarusiortoqassaaq.
§ 10 Stk. 7
Nalunaarusiat tamarmik, allaganngorlugit ingerlatassat, unamminerup
kinguninngua unammisunik aaqqissuisunut tunniunneqassapput.
§ 10 Stk. 8
Maalaarutit suliarinerini (9 tunng.) dommeri pisussaavoq
najuutissalluni, unamminermi aaqqissuisut tamanna kissaatigippassuk.
§ 10 Stk. 9
Dommeri pisussaavoq GBU-p unamminerni malittarisassai, imminut
tunniunneqartut paasiniaqqissaarsimassallugit.
§ 10 Stk. 10
GBU-p qaqugukkulluunniit dommeri, malittarisassani piumasaqaatinik
eqquutitsinngitsoq, taamaatiinnarsinnaavaa.
Maleruagassat PDF
aakkit
>>>>
§ 11 Unammisaqattarnernut ataatsimiisitaliaq
GBU-p illup iluani unammisaqattaarnernut ataatsimiisitaliaani inuit
2 inissisimapput taakkualu peqatigiiffimmit aaqqissuisuusussamit
ataatsimik ilaqarput.
GBU, Nuuk ulloq 12. januar 2009
Maleruagassat PDF
aakkit
>>>>
|
